Love success 💕 - एक छोटीशी लव्ह स्टोरी😘

       शाळेत वार्षिक क्रीडा सप्ताह चालू होते..शाळा पूर्ण त्या क्रीडा सप्ताहात दणाणून निघाली होती... आणि क्रीडा सप्ताह म्हणजे शाळेतील सर्वच विद्यार्थ्यांच्या आवडीचा विषय
कुठलेच तासिका होतं नव्हते..त्यामुळे अभ्यासाचा त्रास नाही, बोरींग तासिका नाही, आणि मूळ आनंद म्हणजे घरच्यांना सांगायला एक कारण होत की आज घरचा अभ्यास नाही त्यामुळे सगळीच अत्यंत आनंदच वातावरण ह्या क्रीडा सप्ताहात चालत असतं ...

        हे सगळं असं चालू असतानाच त्या दिवशी सुद्धा क्रीडा सप्तहात कबड्डीचा खेळ सुरू होता आमच्या वर्गाचं मॅच अजून दोन मॅच नंतर होता..त्यामुळे आम्ही मैदानात इतरत्र विविध गोष्टी व विविध व्यक्ती न्हाहळत होतो.
          मग आम्ही काही मित्र हे सगळं करत मैदानात एका कोपर्याला कट्यावर बसलो होतो काही वेळाने आम्हची मित्रांची सगळी गँग बाथरूम कडे वळाली.. सोबत तिथंच पडलेली काही मातीचे खडे हातात घेऊन पुढे फेकत निघालो होतो... क्षणातच एका मित्राला नवीनच कल्पना सुचली आणि तो जोरात ओरडला      "बाथरूमच्या फुटलेल्या खिडकीत जो कुणी इथून दगड मारेल ज्याचं अचूक नेम येईल त्याच LOVE SUCCESS होईल" हे म्हणताच सगळे कुतूहलाने बघणारी मित्र हातात दगड उचलून धरले... ह्यातील एक सुद्धा मित्राला स्वतःच लव नावाची गोष्ट नव्हती फक्त इतरांच्या प्रेमाबद्दल लफडी बद्दल बोलणारी मंडळी स्वतःच्या भविष्यातील प्रेम सक्सेस करायला ती दगड उचलली होती... त्यात मी सुद्धा अग्रस्थानी उभा होतो...
         आम्ही थांबलेलं ठिकाण आणि तिथून बाथरूम जास्त लांब नव्हतं तरी आमच्यासाठी ती एक परीक्षाच समजून आम्ही आमच्या परीने पूर्ण प्रयत्न करायला तयार होतो...एक-एक करत काही मुलांनी त्या खिडकी वर निशाणा साधला पण काही केल्या कोणाचाच lOVE SUCCESS होतं नव्हता.
        आता माझी बारी आली होती..मी उजवा हात उचलून निशाणा लावण्याचा प्रयत्न करत होतो.. एकदा हातातील दगडाकडे अन एकदा त्या खिडकी कडे मी आळीपाळीने पाहत होतो. "अरे मार ना ......!" मागून कोणीतरी अपयशी जोरात किंचाळला.. आणि मी दगड त्या खिडकीकडे भिरकावला आणि मी यशस्वी झालो खिडकीतून आरपार माझं दगड गेलं.. त्याच आनंद उरावर घेईन मी ओरडलो ... यो.......MY LOVE SUCCESS ...... आणि बाथरूम मधून माझा मित्र व्यंकटेश डोक्याला हात लावून वेदनेने रडत बाहेर आला तसा माझे मित्र सारे त्यांच्या कडे धावले...  मी मारलेला दगड पलीकडे बाथरूम मधल्या व्यंकटेश च्या डोक्यात जाऊन लागलं होतं..आणि त्याच्या डोक्यातून रक्त वाहत होत...
       मी माझ्या विजयाचा आणि भविष्यात कधी तरी मिळणाऱ्या LOVE नावाच्या SUCCESS च्या विजयोत्सव करण्याआधीच मित्रांच्या तोंडून निघाला "बसवराज ने व्यंकटेश च डोकं फोडलं...!" ह्या वाक्याने मी पूर्ण घामेघुम झालो. मी फुल्ल टेन्शन मधी आलो होतो, धावत त्याच्याकडे गेलो, मित्रांनी तर त्याला खूप लागल्यागत सगळीकडे आरडा ओरडा करताना दिसत होते, जवळ जाऊन त्याच डोकं पाहिलो थोडंफारच लागलं होतं तसं.. पण मित्रांना हेच कारण हवं होतं वाटतं सगळी कडे आरडाओरडा करायला.. सगळी त्याला घेऊन मलम पट्टी करण्यासाठी ऑफिस रूम कडे घेऊन चाले होते..., काहींनी तर सर्वात आधी जाऊन सरांना निरोप देऊन ते त्यांची कर्तव्य बजावले होते... ह्यात तो व्यंकटेश डोक्याला हात लावून रक्त थबविण्याचा प्रयत्न करत होता मी माझ्या डोक्याला हात लावून स्वतःच्या नशिबाला दोष देत होतो...
     शिक्षकांनी विचारपूस न करता, माझी बाजू न समजून घेता मला तिथंच दोन कानशिलात बजावली.. सरांना काही मित्रांनी पूर्ण घटना समजावून सांगितलंच होतं त्यात अजून काही मित्रांनी परिस्थिती वाढवून सांगण्यात तरबेज होते तेही त्यात सामील झाले...मला काही शिक्षकांनी मारल्यानंतर मी रडत रडत सगळ्यांपासून लांब येऊन बसलो...
      हे सगळं प्रकरण मैदानात सर्वांसमोर झाल्या त्यानंतर दुसऱ्या दिवशी पुन्हा वर्गात माझ्या LOVE SUCCESS च काय झालं, वर्ग शिक्षकांनी काय भुमीका होती, त्यात मित्रांची मत आणि घडलेलं प्रकरण कसं समाजाऊन सांगितलं हे आता सांगणार सारखं काही राहील नाही...
        आज जीवनात कधी LOVE SUCCESS होऊ अथवा न होवो पण त्या दिवसाची आठवण आजही कधी लव्ह नावच शब्द जर कानावर पडलं की आठवण पुन्हा ताजी होती..
_____________ ✍️ बसव
📲9604045418