माझं सोलापूर

      माझं सोलापूर म्हंटल की नेहमी गजबजलेला गाव म्हणून ओळखला जातो, इथं पावला पावलावर बदल दिसतील व इथे आलेला प्रत्येक जण ह्या सोलापूरची ओळख नेहमीच त्यांच्या बोलण्यातून वेगवेगळ्या पद्धतीने मांडताना दिसतील.

       12 व्या शतकात सोनलगी नंतर गिरणगाव आणि सोळा गावांनी बनलेलं सोळापूर व आता त्याचे नाव सोलापूर खरंच अभिमान वाटेल असा हा माझा सोलापूर.
      इथं नेहमी मला आपुलकीची जाणीव दिसते.गाव जरी सोडून कोणी गेला तरी ह्या गावचे आठवणी प्रत्येकजणांच्या आठवणीत राहील असा हा माझा सोलापूर....बसव
       इथं मला आवर्जून उल्लेख करावासा वाटतो तो म्हणजे इथं समाज सेवेची वेड असणारे माणस तुम्हला सर्वत्र दिसतील,काही जण वंचित घटकांच्या पुनर्वसनासाठी काम करत आहेत,तर काही त्याच्या शिक्षणाची जबाबदारी घेत आहेत, काहींनी तर सोलापूरला स्वच्छ पाणी मिळावं यासाठी आपलं घरदार रस्त्यावर आणलं, पर्यावरण संवर्धन,वृक्ष लागवड ह्यासाठी तर संपूर्ण सोलापूर नेहमीच तयार असलेला दिसतो,मूक प्राण्यांसाठी काम करणारे सुद्धा तितकेच आहेत,आपल्या कलेच्या माध्यमातून जगभर सोलापूरचा नाव उंचावणारे सुद्धा आज सोलापूरातच आहेत, सोलापूरच्या इतिहास लोकांसमोर आणण्यासाठी आजही काही जण आपलं मौल्यवान वेळ देत आहेत,काहीजण उद्योग क्षेत्रात सोलापूरचा झेंडा जगभर उमठवत आहे. काही जण आपल्या लेखणीतून सोलापूरचे महत्व जगासमोर मांडत आहेत,स्वच्छतेची जागरूकता ही आजच्या सोलापुरात राहावी म्हणून झटणारे सुध्दा आपल्याला पाहायला मिळतील, इथे सोलापूर मध्ये कोणी भुकेला पोटी झोपू नये यासाठी आजही युवक-युवती आपला जागरण करत आहेत, आरोग्य क्षेत्रात सुद्धा सोलापूरने आपलं वर्चस्व टिकून ठेवली आहे.
      आज सोलापूरमध्ये खूप सारे सामाजिक संघटना, संस्था कुठल्याही अपेक्षा न करता कुठल्याही चुकीच्या गोष्टीला बळी न पडता आपलं काम मनापासून ह्या समाजासाठी ह्या आपल्या सोलापूरसाठी झटत आहेत.
   सिद्धेश्वर जत्रेच महत्व आजही खूप जण जाणून घेण्यासाठी ह्या जत्रेत आवर्जून सहभागी होतात. मिल जरी बंद पडल्यातरी कितीही दुष्काळ जरी आलं तरी जगभर ह्या सोलापुरी चादर त्याची ख्याती कमी होऊ दिली नाही. बहुभाषिक असलेल्या हा सोलापूर सर्व जातीय सर्व समाजातील लोकांना एकत्र घेऊन गुण्यागोविंदाने राहत आहेत,दररोज एक सण उत्सवानी हा सोलापुर नव्या नवख्या वधू प्रमाणे दररोज नटला जात आहे.

    इतिहासाचे पाने चाळली तर पावलापावलावर सोलापूरचा उल्लेख तुम्हला दिसून येईल, दिल्ली चे ही तख्त राखतो सोलापूर माझा अस खरंच म्हणण्याची वेळ आता आपल्यावर आली आहे.सोलापूरच्या भरवश्यावर आजही देश्याचा कारभार चालू आहे ह्याच कारण अस की आजही कित्येक महत्वाची पदे सोलापूरच्या नागरिकांच्या वाटेला आली आहे.
    अनेक संकटे झेलत दुष्काळावर मात करत राजकारण्यांचे राजकारण डावलून सोलापूर आजही ह्या देशाच्या नकाशावर व जगाच्या पाठीवर वेगळी ओळख माझा सोलापूर निर्माण करत आहे.
    त्यामुळे खरंच मला माझ्या सोलापूरचा अभिमान आहे.
____________@✍️#बसव
📱9604045418 /8668306654