पुन्हा तेच...!

    "लोकासंगें ब्रम्हज्ञान आपण मात्र कोरडा पाषाण" अशी गत आपल्या समाजाची झाली आहे. फेसबुक व्हाट्सप वर वर्षभर पर्यावरण संबंधित बोधक विचार फिरवत राहायचं, पण प्रत्यक्ष कृती करण्याची वेळ आली की त्या विचारला नाकारून पुन्हा तेच करत रहायचं...
      वर्षभर पाण्यासाठी अविरत प्रयत्न करत राहायचं,लोकांना पाणी पाचवा पाणी जिरवा अशी संकल्पना सांगत सुटायचं., वृक्षारोपण करणे, गाळ काढणे, चरे खोदणे, जलसंधारणाची कामे करणे, शेतात विहिरी खोदणे, बोर मारून घेणे असे नानाविध अट्टाहास त्या पाण्यासाठी करत असतो.. पण प्रत्यक्ष पाणी उपलब्ध झालं की हे असं होतं..
      भर उन्हाळ्यात लोकांची पाण्यासाठी वणवण पाहवत नाही, विहिरी कोरड्या पडलेल्या दिसतात, कित्येक गावात  टँकर ने पाणी शासनानेच पोचवाव असं गावकऱ्यांच म्हणणं असतं.  नद्यांचा मध्यातील दगड सुद्धा त्यादिवसात चमकत असतो,
त्या दिवसात पाण्याची गरज अधिकच भासते आणि आपल्या जवळील पाणी संपले याची भावना फक्त त्याच दिवसात येते..
      संस्कृती टिकणे खरंच गरजेचे आहे, पण संस्कृती टिकवायची झाल्यास त्याच संस्कृतीचा भाग म्हणजे पर्यावरण ही टिकेलच पाहिजे.  सजावट, मिरवणूक, मूर्तीची उंची, मंडप, बॅनर, वर्गणी, अश्या नानाविविध गोष्टीची चर्चा करण्यासाठी महिन्या अगोदरपासून वेळ घालवत असता, तर त्याच सोबतीला थोडासा वेळ पर्यावरण पूरक उत्सव साजरे करण्यासाठी  घालवावे.
  दररोज समाज माध्यमातील वरील  पाणी प्रश्ना संबंधित बातमी पाहताना/वाचताना खूप हळहळत तरीही त्याच देणं घेणं फक्त गप्पा पुऱ्या राहिल्या आहेत, पाण्यासाठी बोर मारलं तरी पाणी लागत तेव्हा डोळ्यातून येणार पाणी खूप काही सांगून जातं, उन्हाळ्यात प्यायला पाणी नसतं पाण्यासाठी गावात आलेल्या टॅंकर वरील भांडण न मिटता मिटता कोर्टात प्रयत्न तरी कधी एकदोघांचा जीव गेलेला असतो तरी आम्ही करतो काय तर पुन्हा तेच....
       विविध समाजमाध्यमे, सामाजिक संस्था, शासन व्यवस्था गेली कित्येक महिने मूर्ती  पर्यावरण पूरक वापर, मूर्ती आणि निर्माल्य जलसाठ्यात टाकू नका कृत्रिम तलावाचा वापर करा हे फक्त वाचून पाच-पन्नास लोकांना पाठवतो आणि प्रत्यक्ष कृतीची वेळ आली की आम्ही करतो काय तर #पुन्हा_तेच...
___________________✍️बसव
📲9604045418 /8668306654