संस्कृती सोबत पर्यावरण ही तितकेच महत्वाचं... !
गणेशोत्सव उंबरठ्यावर येऊन ठेपला आहे. सगळीकडे नुसती लगबग सुरू झाली आहे. बाजारपेठ, फुलबाजार भरून आलेल्या आहेत . पर्यावरण जपणारी मंडळे तसेच वर्गणी न घेणारी मंडळे विविध संकल्पना लोकांसमोर मांडण्यासाठी उभी आहेत.अनेकांच्या घरामध्ये उत्साह तर शिगेला पोहचला आहे.
वाढत चाललेल्या लोकसंख्याच आलेख आणि या अश्या उत्सवामध्ये सहभागी होणाऱ्या लोकांनी प्रत्येक उत्सवाचा एक नवीन इव्हेंटच बनत आहे. आणि अश्याच काही कारणांमुळे उत्सव उत्सव न राहता दिखाऊपणाचा एक इव्हेंट बनत चालला आहे. ह्यामुळे पर्यावरण सुद्धा तितकाच महत्वाचा भाग उत्सवामध्ये विचार करण्यासारखी गोष्ट बनत चालली आहे.प्रत्येकांना वाटत.., मीच का काळजी घेऊ..? आमच्याच सणाला हे असलं पर्यावरण वैगरे सुचतं का..? अशे प्रश्न विचारून ती गोष्ट टाळण्याचा प्रयत्न करत असतात...खरंच आपण थोडंस विचार करण्याची गरज आहे...संस्कृती सोबत पर्यावरणाची ऱ्हास होऊ नये म्हणून आपल्यालाच एक पाऊल उचलण्याची गरज आहे...बाजारात सहजतेने उपलब्ध होणारे प्लास्टर ऑफ पॅरिस च्या गणेशमूर्ती नदीपात्रात विसर्जन करून पाणी प्रदूषित करण्यापेक्षा शाडूची मूर्ती पूजन नंतर कृत्रिम तलावात विसर्जन करण ही काळाची गरज आहे. पारंपारिक शाडूच्या मूर्ती एवजी प्लास्टर ऑफ पॅरिस च्या मूर्ती वापरून त्याच सोबतीला सजावटीसाठी थर्मोकोल किव्हा प्लॅस्टिकजन्य वस्तूंचा अति वापर, घातक रासायनिक रंगांचा मिश्रण ह्यामुळें जलप्रदूषणही मोठ्या प्रमाणावर होतं आहे.लाखों गणेशमूर्ती पाण्यात न विरघळलेल्या व भग्न अवस्थेत बघून खऱ्या गणेशभक्ताच मन दुखावल्या वाचून राहणार नाही. त्यामुळे प्लास्टर ऑफ पॅरिसच्या गणेशमूर्तीमुळे होणारा पर्यावरणाचा ऱ्हास व गणेशमूर्तीची विटंबना थांबविण्यासाठी प्रत्येकाने शाडूमातीच्या गणेशमूर्तीची प्रतिष्ठापना करायला हवी.मातीच्या बनवलेल्या मूर्ती पर्यावरणाला हानी पोहचवत नाही,तसेच ती मूर्ती पाण्यामध्ये लवकर विरघळतात. त्यांना लावण्यात येणारे रंग हे ही नैसर्गिक रित्या बनविल्या गेल्याने त्याचीही कोणतीही हानी निसर्गाला होत नाही.विसर्जनाचं म्हंटल तर शाडूच्या मातीची मूर्ती तुम्ही घरच्या घरी बादलीमध्ये सुद्धा विसर्जित करू शकता.ह्यामुळे बाप्पाच्या मूर्ती ची विटंबना टळेल व पर्यावरण पण सुरक्षित राहील.शेवटी हा निर्णय तुमचा आहे. सगळ्यांना अगणित आनंद देणाऱ्या गणेशोत्सवाच्या, बुद्धी देवतेच्या हार्दिक शुभेच्छा!.. .........✍️बसव
9604045418/ 8668306654
Comments
Post a Comment